Ճամփորդական գործակալություն

Թեղենիս լեռան արևելյան լանջին, անմիջապես ճոպանուղու հարևանությամբ, 2000մ ծովի մակերևույթից բարձր, գեղատեսիլ բնության գրկում Ձեզ է սպասում ԱԼՎԱ հանգստյան տունը: Այն իրենից ներկայացնում է 2008թ-ին կապիտալ վերակառուցված 60 հանգստացողի համար նախատեսված ժամանակակից քոթեջային հյուրանոց, իր բոլոր հարմարություններով: Հյուրանոցային համարները երկսենյականի են, 30 քառ. մ. ընդհանուր մակերեսով, կահավորված են ժամանակակից կահույքով, լողախցիկով, LCD հեռուստացույցով, մինիբարով և նախատեսված են 2 անձի համար: Քոթեջները նախատեսված են 4 անձի համար, 60 քառ.մ. ընդհանուր տարածքով, խոհանոցով և բուխարիով:

Բոհեմյան հյուրանոցը հանգստի համար առաջարկում է իր հարմարավետ և ժամանակակից ոճի սենյակները: Այստեղ յուրաքանչյուր սենյակ ունի հեռակառավարման ալեհավաք, սառնարան, հեռախոս, բար: Հյուրանոցն ունի նաև բացօթյա լողավազան, կոնֆերանսների դահլիճը, սրճարան, պարադահլիճ, մանկական ակումբ, լվացքատուն: Եվ ուշադրություն` հյուրանոցը սիգարի սիրահարներին առաջարկում է իր հատուկ Սիգար բարը:

Կապուտակ Սևան-ը գտնվում է Սևանա լճի ափին, հեռու ճանապարհից և փոքրիկ անտառով շրջապատված: Այստեղ նախատեսված է ամեն ինչ ձեր հանգիստը անմոռանալի դարձնելու համար:

Հյուրանոցը գտնվում է Սևանա լճի խաղաղ ափերից մեկի մոտ: Անմիջապես ուշադրություն է գրավում հյուրանոցի արտաքին ու ներքին հարդարանքի յուրահատուկ ոճը: Հարմարավետորեն կահավորված յուրաքանչյուր սենյակ ունի դեպի Սևանա լիճը բացվող իր պատշգամբը: Հյուրանոցում կա նաև լողավազան, բիլիարդի սենյակ և ակտիվ հանգիստն ապահովող մի շարք այլ պայմաններ:

Նորովի վերանորոգված Ալիք հանգստյան տունը գտնվում է Հայաստանի ամենագեղատեսիլ վայրերից մեկում: Սենյակների հարմարավետությունն ու անձնակազմի ջերմ վերաբերմունքը հաճելի կդարձնեն ձեր հանգիստը:

Հայաստանի գեղատեսիլ վայրում հանգրվանած` "Նաիրի" հանգստյան տունը իր դիրքով և առաջարկվող ծառայություններով ուրույն տեղն ունի Ծաղկաձորում: Գտնվելով քաղաքը շրջապատող Թեղենիս լեռան ստորոտում` այն հիանալի վայր է ցանկացած տեսակի հանգստի համար: 2.35 հեկտար ընդհանուր տարածքով` օրիգինալ ճարտարապետությամբ վեց հարկանի այս հանգստյան տունը ունի 70 սենյակ: 2005թ.-ին կատարվել են վերանորոգման աշխատանքներ, մասնավորապես` կապիտալ վերանորոգվել է 30 սենյակ, խորհրդակցությունների դահլիճները, մնացյալ 40 սենյակներում կատարվել է մասնակի վերանորոգում, տեղադրվել է ժամանակակից կենտրոնացված ջեռուցման համակարգ:

Հյուրանոցը տեղակայված է ճոպանուղուց 4 կմ և Ծաղկաձորից 1 կմ հեռավորության վրա: Մինչ ճոպանուղին տեղափոխումը ներառված է գնի մեջ: Հյուրանոցում կան բառ, ռեստորան, բիլիարդ, դիսկոտեկ, սաունա, խորհրդակցությունների սրահ: Յուրաքանչյուր սենյակում կան հեռուստացույց և սառնարան: Ջուր չի լինում 12:00-16:00 և 00:00-06:00. Մոտակայքով դահուկային վազքուղի է անցնում: Օլիմպիական լողավազանը 100 մետր հեռավորության վրա է:

Ծաղկաձորի գրողների տունը Հայաստանի ավանդական դարձած հանգստյան տներից է: Այն հարմար է ինչպես ընտանեկան հանգստի, այնպես էլ գործնական նպատակների համար:

Լալաներ հյուանոցը գտնվում է Սիսիանի կենտրոնական մասում: Նորաբաց այս հյուրանոցն առաջարկում է բարձրակարգ ծառայություններ և հարմարավետ սենյակներ: Ռեստորանը, բացօթյա սրճարանը և բարը ձեր տրամադրության տակ են ցանկացած պահի: Հյուրանոցում գործում են նաև 2 շոգեբաղնիք, որոնք լիովին կօգնեն ձեզ վայլել հանգիստն այստեղ: Հյուրանոցի բարեհամբույր անձնակազմը մշտապես ուրախ է հյուրընկալել Ձեզ!

Սպլենդեր համալիրի հարմարավետ տնակներն ապահովված են հանգստի համար նախատեսված բոլոր պայմաններով: Տնակներն ունեն հյուրասենյակ, խոհանոց ու բաղնիք: